220013, г.Минск, ул. Дорошевича, 8,

приемная администрации: +375 17 378-34-12,

факс: +375 17 353-32-21, +375 17 379-25-75,

sovadm@minsk.gov.by (не используется для направления электронных обращений граждан и юридических лиц.
Реализовать данную возможность можно через рубрику «электронные обращения»)

«горячая линия»

Russian Belarusian

Хмяльніцкі Багдан (Зіновій) Міхайлавіч
(каля 1595—1657)

Хмяльніцкі Багдан (Зіновій) Міхайлавіч

Хмяльніцкі Багдан (Зіновій) Міхайлавіч нарадзіўся каля 1595, верагодна, у г. Чыгірын Чаркаскай вобласці, Украіна.

Гетман Украіны (з 1648), дзяржаўны дзеяч, палкаводзец. Паходзіў з дробнай праваслаўнай шляхты. Адукацыю атрымаў у езуіцкім калегіуме ў Львове. Удзельнічаў у паходах супраць туркаў і крымскіх татар, у казацкіх паўстаннях. У рэестравым казацкім войску быў вайсковым пісарам, пасля паўстання 1637—1638 чыгірынскі сотнік. У 1647 арыштаваны за падрыхтоўку новага паўстання супраць Польшчы. Пасля вызвалення ўцёк у Запарожскую Сеч, дзе выбраны гетманам запарожскага войска. У 1648 заключыў саюз з крымскім ханам супраць Польшчы і пачаў баявыя дзеянні. У маі 1648 у бітвах на Жоўтых Водах і каля Корсуня разбіў польскае войска. Пасля чаго на Украіне пачалася вызваленчая вайна (1648—1654). Напачатку быў прыхільнікам аўтаноміі Украіны ў складзе Каралеўства Польскага, што было замацавана Збораўскім дагаворам 1649.

Па ініцыятыве Xмельніцкага Пераяслаўская Рада 1654 зацвердзіла пагадненне з расійскім царом Аляксеем Міхайлавічам пра ўваходжанне Украіны ў склад Расійскага царства як аўтаномнай дзяржавы. Аднак у 1656 выявіліся супярэчнасці паміж Хмяльніцкім і царскім урадам, які не прытрымліваўся пагаднення аб аўтаноміі Украіны.

Xмяльніцкі пачаў перагаворы са Швецыяй і Малдовай з мэтай замацаваць сваё становішча і забяспечыць сваім сынам пераемнасць улады на пасадзе гетмана. Падтрымліваў кантакты з кіраўніком кальвінісцкай групоўкі ў ВКЛ Б. Радзівілам, якому выдаў універсал на недатыкальнасць Слуцка і Слуцкага княства ад дзеянняў казацкіх атрадаў.

У гісторыю Хмяльніцкі ўвайшоў як дзяржаўны дзеяч, які садзейнічаў адраджэнню ў сярэдзіне 17 стагоддзя Украінскай дзяржавы. Ацэнка яго дзейнасці сярод украінскіх гісторыкаў неадназначная.

У Мінску яго імя носіць вуліца (1954) і завулак.

Хмяльніцкі Багдан (Зіновій) Міхайлавіч

Хмяльніцкі Багдан (Зіновій) Міхайлавіч

Хмяльніцкі Багдан (Зіновій) Міхайлавіч

На вуліцы размешчаны: вытворча-выдавецкае РУП «Дом прэсы», Цэнтр навучальнай кнігі і сродкаў навучанні, выдавецтва «Чатыры чвэрці», РУП «Мінскэнерга» філіял «Энергазбыт».